تاند (جمعه، د جدې ۲۲ مه) په کندهار کې د طالبانو د اطلاعاتو او فرهنګ ریاست د دغه ولایت له حقانیه مدرسې څخه د ۴۹ نویو ځوانانو د فراغت خبر ورکړی.
سرچینې ویلي، چې په دې فراغت غونډو کې طالب چارواکو په مدرسو کې د عصري زده کړو پر موجودیت هم ټینګار کړی.
ویل شوي، چې په فارغو کسانو کې ۷ نجونې هم شاملې دي.
د طالبانو اطلاعاتو او فرهنګ ریاست د نارینه فارغانو برعکس، د دغو نجونو عکسونه نه دي خپاره کړي.
ویل شوي، چې په دغو مراسمو کې په پاکستان کې د طالبانو پخواني سفیر عبدالسلام ضعیف هم وینا کړې ده.
د طالبانو له بیا واکمنیدو سره، په افغانستان کې د طالبي مدرسو شمېر په بېساري ډول زیات شوی او سختو نیوکو سره مخ دی.
له دې سره، له افغان نجونو څخه له شپږمو ټولګیو د پورته زده کړو حق اخیستل شوی او په نارینه ښوونځیو کې هم د طالباني فکر د اغېزو زیاتیدو ادعاوې کیږي.
طالب چارواکو بیا- بیا په خپلو مدرسو کې د عصري زده کړو پر موجودیت ټینګار کړی، خو نه یې دي ویلي چې ولې یې په لوی لاس د عصري زده کړو د مستقلو مرکزونو هڅې کمرنګه کړې دي.
د ملی خائینو کمونیستانو کودتا له برکته افغان اوسنۍ نسل به قادیانی چړیان وی !!!