تاند (چهارشنبه، د جدي ۲۰مه) د طالبانو د رژیم ویاند ذبیح الله مجاهد په هرات کې زلزله ځپلو ته د ۳۶ کورونو د جوړولو او سپارلو خبر ورکړی.
نوموړي په خپله ایکس پاڼه کې لیکلي، چې دا کورونه د رباط سنګي ولسوالۍ په خوش رباط او باغ رحمت سیمو کې جوړ شوي.
هغه په دې اړه نور جزئیات نه دي ورکړي.
په هرات کې د څو میاشتې مخکې زلزلې زرګونه کورونه ویجاړ او لسګونه زره کسان بې کوره او زیانمن کړل.
څه موده مخکې په هرات کې زلزله ځپلو ته د سندرغاړي فرهاد دریا په هڅه د یو شمېر کورونو د جوړولو خبر ورکړل شوی و، چې د څرنګوالي له پلوه نیوکو سره مخ شوی و.
په هرات کې لا هم ګڼ زلزله ځپلي به سړه هوا کې، خېمو کې ژوند تېروي او له ګڼو ستونزو شکایت لري.