تاند (جمعه، د قوس ۱۵ مه) ایراني چارواکي وايي چې د کرمان د چهارشنبې د ورځې په چاودنو کې ۱۲ افغانان هم وژل شوي دي.
په دې چاودنو کې، چې د قاسم سلیماني د تلین په مناسبت په جوړه شوې غونډه کې وشوې، ۸۴ تنه ووژل شول او ۲۸۴ نور ژوبل شول.
داعش یا د اسلامي دولت سختدریځې ډلې د دې بریدونو مسوولیت ومانه.
د تسنیم خبري اژانس د راپور له مخې، د کرمان ولایت د بهرنیو اتبادعو او کډوالو د چارو عمومي رييس روح الله خضري پور پرون (پنجشنبې) د کرمان د چاودنو د ۱۲ افغان قربانیانو د اوو کورنیو له غړیو سره ولیدل.
ده د دغو چاودنو د غندلو ترڅنګ د قربانیانو د کورنیو غړیو ته وویل چې د ټپیانو د درملنې لپاره پوره هڅې کېږي.
څرګنده نه ده چې د دې پېښې په ټپیانو کې به څو تنه افغانان وي.
د کرمان د بهرنیو اتیاعو او کډوالو عمومي ادارې د وژل شویو افغانانو نومونه په دې ډول اعلان کړي دي:
- رضا نورزی
- محمد قاسم احمدي
- مریم تاجیک
- محمد متین احمدي
- محمدتاجیک
- نازنین فاطمه عزیزي
- زهرا فیضي
- نظیفه غفوري
- نعمت الله اڅکزی
- لطیفه اڅکزۍ
- معصومه اڅکزی
- راز گل علیزی