تاند (دوشنبه، د قوس ۱۳ مه) د خیبرپښتونخوا لپاره د پاکستان پولیسو په یوه لېست کې چې د ترهګرۍ د ملاتړو په تړاو یې خپور کړ، د بشري حقونو د مشهورې فعالې ګلالۍ اسماعیل نوم هم شامل کړی.
ګلالۍ اسماعیل چې د صوابۍ اوسیدونکې او د پاکستان له منتقدانو څخه ده، اوس مهال په امریکا متحده ایالاتو کې ژوند کوي.
هغه په ۲۰۱۹ کې د پاکستان د حکومت له پرله پسې مزاحمت وروسته کډوالۍ ته اړ شوې ده.
اوس د هغې نوم د ترهګرۍ په مالي ملاتړ کوونکو کې شامله شوې چې د آغلې ګلالۍ توند غبرګون سره مخ شوې.
ګلالۍ اسماعیل ویلي چې دا د ترهګرۍ له لاسه پاکستان نه وتې او بې ځایه ده چې د ترهګرۍ په ملاتړو کې حساب شي.
پاکستاني پولیسو په دغه لېست کې د مشهور خبریال احسان داوړ نوم هم د ځینو نورو کسانو ترڅنګ د ترهګرو په مالي ملاتړو کې یاد کړی چې فعالانو غندلی او بې اساسه لېست یې بللی.
د پاکستان حکومت او بنسټونه تل تورن شوي چې مشهور پښتانه فعالان تر فشارونو لاندې راولي او له بدنامولو سره یې غواړي د عدالت غوښتنې غږونه غلي کړي.