تاند (یکشنبه، د قوس ۱۲ مه) د افغانستان لپاره د اروپایي ټولنې د استازیتوب سرپرست رافایلا ایودیس د طالبانو د پوهنې وزارت سرپرست ته د ۴۰۰ ښوونځیو د رغولو ډاډ ورکړی.
د طالبانو په یوه اعلامیه کې راغلي چې د دې لیدنې پر مهال طالب وزیر حبیب الله آغا د یادو ښوونځیو د رغولو لپاره خپل یوه همکار بنسټ ته د پیسو سپارلو ډاډ ورکړی.
معلومه نه ده چې دا ښوونځي د نجونو که د هلکانو دي او د کومو ولایتونو اړوند دي؟
په افغانستان کې د طالبانو له لوري له لومړنیو ښوونځیو پرته، د نجونو پر زده کړو له بندیز سره بیا هم یو شمېر نړیوال بنسټونه د نجونو او هلکانو د ښوونځیو جوولو ته دوام ورکوي.
خلک بیا نیوکه لري چې د نجونو پر زده کړو له بندیز سره به هغوی ته د ښوونځیو رغول بې ګټې وي.