تاند(سې شنبه، د قوس۷ مه) د کابل ښاروالۍ لپاره د طالبانو چارواکو ویلي چې په دغه ښار کې یې د چرګانو ۵ ټنه خرابه شوې غوښه کشف او له منځه وړې ده.
سرچینه زیاتوي چې دا غوښه د نهمې ناحیې د چرګانو په یوه ګودام کې د پلټنو پر مهال کشف شوې .
ویل شوي چې دا غوښه د کرنې او مالدارۍ وزارت لابراتوار کې خرابه ثابت شوې او بیا له منځه وړل شوې ده.
د افغانستان په بازارونو کې د خرابو ، بې کیفیته او تاریخ تېرو توکیو موجودیت له پخوا راهیسې یوه جدي ستونزه ده چې ډېر ځله د خلکو د ناروغۍ سبب شوې.
یو شمېر خلک د دغو توکیو پر وړاندې د طالبانو د رژیم اقدامات ستایي او عاملینو سره یې د جدي چلند غوښتنه کوي.