تاند (پنجشنبه، د قوس ۲ مه) سیمه ییزو سرچینو په هرات ولایت کې د ۲ دیني عالمانو د وژل کیدو خبر ورکړی.
د ورکړل شویو معلوماتو له مخې، دغه دیني عالمان د ناپېژانده وسله والو لخوا د هرات ولایت په دولسمه امنیتي حوزه کې وژل شوي دي.
ولسي سرچینو ویلي چې دغه دیني عالمان نن (پنجشنبه) ماسپښین د هرات په جبرئیل سیمه کې، د موټرسیکل سپرو وسله والو په ډزو کې وژل شوي دي.
د طالبانو ځایي امنیتي مسوولینو تر دې مهاله د دغې پېښې په اړه څه نه دي ویلي.
د طالبانو له بیا واکمنیدو سره، په بېلابېلو سیمو کې یو شمېر دیني عالمان وژل شوي.
د وژل شویو په اړه نور جزییات نه دي ورکړل شوي اخو ځینې سرچینې وايي چې دا کسان شعه ګان دي او د هرات په یوه شیعه مېشته مېنه کې وژل شوي دي.