تاند(جمعه، د عقرب ۲۶مه) د فاریاب په دولت اباد ولسوالۍ کې یوه معتاد ځان او د کورنۍ غړو ته یې اور اچولی.
ځایي سرچینو ویلي، چې دا پېښه په محمود خېل سیمه کې رامنځته شوې ده.
ویل کیږي چې په دغه پېښه کې د یاد شوي معتاد یو کوچنی ماشوم مړ شوی.
په پېښه کې د معتاد په ګډون د ۷ تنو د ټپي کیدو خبر ورکړل شوی.
طالب چارواکو په دې اړه څه نه دي ویلي.
د طالبانو له بیا واکمنید سره، په افغانستان کې اقتصادي او بشري ناورین شدید شوی او دا شدت د ورته پېښو د زیاتیدو یو اصلي دلیل ګڼل کیږي.