تاند:( شنبه، د میزان ۲۹مه)د افغانستان د ویلچرباسکټبال ملي لوبډلې د چین په کوربه توب د پارا المپیک اسیایي لوبو په لړ کې د فیلیپین ویلچرباسکټبال ملي لوبډلې ته ۵۳ پر ۴۹ نمرو ماتې ورکړه.
دغه سیالۍ په چین کې روانې دي، چې افغانستان په خپل ګروپ کې له چین، فیلیپین، ټایلنډ او د ایران هېوادونو له لوبډلو سره لوبې لري.
د طالبانو تر کنټرول لاندې باختر خبري اژانس چې د یادې لوبې خبر یې خپور کړی، په دې اړه نور جزییات نه دي ورکړي.
په وروستیو کې افغان ورزشکاران بېلابېلو برخو کې مهمې سیالۍ ګټي چې د افغانانو له هرکلي سره مخ شوي دي.