تاند:(چارشنبه، د میزان ۲۵مه) د هندوستان د ملي امنیت سلاکار اجیت دووال یو ځل بیا په افغانستان کې د روانې کشالې د حل غوښتنه کړې او ویلي چې د دغه حل د لارې لټول لا هم د هند لومړیتوب دی.
اجیت دووال په قزاقستان کې د هند او د منځنۍ اسیا د هېوادونو د ملي امنیت سلاکارانو په دویمه ناسته کې وویل: له افغانانو سره په بشري مرستو سربېره باید ټولو ته دا مهمه وي چې هلته یو ټولشموله او استازي حکومت تشکیل شي، له ترهګرۍ سره مبارزه او همدارنګه د ښځو او لږکیو حقونه اعاده شي.
هند د طالبانو حکومت په رسمیت نه پيژني او د ډپلوماټیکو اړیکو په بیا رغولو کې یې هم لا لیوالتیا نه ده ښوولې.
له دې سره د هند منتقدان دغه هېواد تورنوي چې په نوې ډیلۍ کې د افغانستان سفارت په تدریجي ډول طالبانو ته سپاري او د دې کار لپاره یې پر دغه سفارت د افغانستان د پرځول شوي جمهوري نظام له واکمنو دیپلوماتانو سره همکاري ونه کړه.
طالبانو بیا د هند غوښتنې ته غبرګون نه دی ښودلی، خو تر دې مخکې یې د افغانستان د نظام د څرنګوالي او نورو مسایلو په اړه بحثونه کورنۍ موضوع ګڼلې او ادعا یې کړې چې هم یې ټول شموله حکومت رامنځته کړی او هم یې د ټولو افغانانو حقونه خوندي کړي دي.
د ملالۍ جویا خبره که بیا په غوجل کې د لطیف پدرام او عارف رحماني یا الله ګل دانه دانه په شان خره او کچرې راټولوي ، مونږ ترې تېر یو.
البته د ښځو د تحصیل او کار حقوق په هر صورت کې غواړو دا د افغان ملت جدي غوښتنه ده .