تاند:(چارشنبه، د میزان ۲۵مه) د ننګرهار سوداګرۍ او پانګونې خونې د پانګونې مرستیال اغا محمد رودوال په جلال اباد ښار کې نامعلومو کسانو وژلی.
د ننګرهار د سوداګرۍ خونې یوه مقام شمس الحق د نوموړي مړینه تایید کړې، خو نور جزییات یې په اړه نه دي ورکړي.
د طالبانو ځایي چارواکو د پېښې په اړه څه نه دي ویلي.
د طالبانو له بیا واکمنیدو سره، که څه هم چارواکي د بشپړ امنیت خبره کوي، خو وخت په وخت د داسې پېښو خبر هم ورکول کیږي.
طالب چارواکي د هدفي وژنو علت تر ډېره شخصي دښمنۍ ګڼي، خو خلک ترې غواړي چې د پېښو عاملین معلوم او په سزا ورسوي.