تاند:( جمعه، د میزان ۲۱مه) سیمه ییزو سرچینو تاند ته ویلي، چې نن د جمعې ورځې د لمانځه پر مهال د شیعه ګانو په یوه جومات کې چاودنه شوې ده.
ویل کیږي، چې دغه جومات د بغلان ولایت په مرکز پلخمري ښار کې دی او امام زمان نومیږي.
تراوسه په چاودنه کې د مرګ ژوبلې معلومات نه دي دقیق شوي، خو ویل کیږي چې ځاني زیانونه یې اړولي دي.
د پېښې مسوولیت چا پر غاړه نه دی اخیستی، خو ګومان کیږي چې داعش ډله به يې پر غاړه واخلي.
یادې ډلې د طالبانو له بیا واکمنیدو سره د افغانستان په یو شمېر ولایتونو کې د شیعه ګانو جوماتونه همداسې د جمعې ورځې د لمانځه پر مهال د خونړیو بریدونو هدف ګرځولي، چې لسګونه تنو ته یې مرګ ژوبله اړولې ده.
په وروستیو کې بیا- بیا طالب چارواکو د داعش ډلې د پوره ځپلو او د نورو بریدونو د وړتیا نه لرلو خبر ورکړی و.