تاند (چهارشنبې، د میزان ۱۹ مه) په تخار کې د طالبانو ځایي چارواکو د سرو زرو د یوه کان پریوتو له امله د ۳ تنو د مړینې خبر ورکړی.
د تخار د امنیې قومندانۍ لپاره د طالبانو ویاند عبدالمبین ساپي رسنیو ته ویلي، چې دغه کسان په سای ولسوالۍ کې یوه کان ته د سرو زرو د موندلو په نیت ورغلي وو.
ویل شوي، چې د ځایي خلکو او طالبانو له هڅو سره بیا هم، دوی د هغه کان له خاورو، چې پرې پریوتی، مړه راوتلي.
طالب چارواکو نه ده واضح کړې، چې دوی په ناقانونه ډول د دغه کان د کیندلو هڅه کوله که یې رسمي مسوولیت و.
د افغانستان په شمال کې، چې قیمتي کانونه لري، وخت په وخت د داسې پېښو خبرونه ورکول کیږي.
د پېښو یو دلیل په ټوله کې په ناقانونه توګه د کان کیندلو هڅې ګڼل کیږي.