تاند (چارشنبې، د میزان ۱۹ مه) پاکستاني رسنۍ وایي، چې د دغه هېواد پخوانی صدراعظم او د مسلم لیګ نواز ګوند مشر نواز شریف له څو کلنې جلاوطنۍ وروسته خپل هېواد ته د ستنیدو تابیا نیسي.
نوموړی به نږدې ورځو کې له دوبۍ څخه سعودي عربستان ته د حج عمرې لپاره لاړ شي او بیا به په یوه چارتر شوې الوتکه کې پاکستان ته ستون شي.
د اکتوبر ۲۱ مه نېټه پاکستان ته د نواز شریف د ستنیدو نېټه ښودل شوې ده.
نواز شریف د عمران خان د پرځول شوي حکومت پر مهال د فساد په تور محاکمه، له سیاسته ګوښه او بالآخره د درملنې په نوم جلاوطنۍ ته اړ وت
د هغه تر اغېزې لاندې اوسني حکومت بیا عمران خان محاکمه او له سیاسته منع کړی.
د نواز شریف ګوند او متحدین یې د را روانو پارلماني ټاکنو لپاره د موقت حکومت په وسیله تیاری نیسي.
دا ټاکنې هڅه کیږي، چې د عمران خان او نږدې ملګرو له ګډون پرته یې ترسره شي، خو معلومه نه ده چې د عمران خان مخالفان به په دې کار بریالي شي کنه؟
ما په مخکنیو تبصیرو او کمینټونو کې لیکل چې شهباز شریف یا امریکا یا پوځ عمران خان ځکه بند کړ ترڅو د نواز شریف راتګ ته لاره هواره کړی ځکه نواز شریف دا دریم که څلورم ځل ده چې مشر کیږي