تاند (سې شنبه، د میزان ۱۱ مه) د افغانستان د کرکټ ملي لوبډلې، د نړیوال جام په درشل کې په تمریني سیالۍ کې سریلانکا ته په ۶ ویکټونو او ۲۳ اضافي توپونو ماتې ورکړه.
سریلانکايي لوبغاړو مخکې تر دې چې ټول وسوځي ۲۹۴ منډې کړې وې. خو د باران د اورېدو له کبله د افغان ټیم لپاره په ۴۲ اورونو کې ۱۵۷ منډې هدف وټاکل شو.
د افغانستان لپاره په باولرانو کې محمد نبي ۴ لوبغاړي وسوځول.
په بټسمنانو کې رحمت الله ګوربز ۱۱۸ منډې وکړې. رحمت شاه هم ۹۳ منډې وکړې. دواړه بې له دې چې وسوځي له لوبې ووتل.
تر دې مخکې د افغانستان او جنوبي افریقا تمریني لوبه د باران د اورېدو له کبله لغوه شوې وه.