تاند(یکشنبه، د میزان ۲ مه) د افغانستان د هوا پېژندنې ادارې د هیواد په ۱۱ ولایتونو کې د سختو ورښتونو، تیزو بادونو او ورسره مل د سیلونو د جاري کېدو وړاندوینه کړې ده.
د ترانسپورت او هوايي چلند وزارت، چې د هوا پېژندنې اداره هم ورسره تړلې، ویلي چې په لغمان، کاپیسا، ننګرهار، پکتیا، پکتیکا خوست، بدخشان، نورستان، کونړ،، لوګر او کابل ولایتونو کې نن د ورښتونو او سختو بادونو اټکل کېږي او په ځینو سیمو کې د سېلونو د راوتلو امکان هم شته.
سږ کال په ځلونو داسي سخت ورښتونه وشول چې په تېرو کلونو کې یې ساری نه و لیدل شوی. د سختو سیلونو په نتیجه کې د سر و مال ډير تاوانونه پېښ شول.
د ملګروملتو پر اساس، افغانستان یو له درو هیوادونو څخه دی چې د اقلیمي بدلون له کبله زیات اغېزمن کېږي.