تاند (سې شنبه، د سنبلې ۲۸ ) په پاکستان کې د ناکراریو په دوام ګې د عوامي نشنل ګوند یو مشر ارباب غلام کاسي د نامعلومو وسله والو په ډزو په کوټه کې ووژل شو.
غلام کاسی د سې شنبې په ماسپښین کوټې ته نژدې په کوچلاغ کې ووژل شو.
تراوسه پوري د غلام کاسي د وژلو مسوولیت کومې ډلې په غاړه نه دی اخیستی.
که څه هم په تېرو کلونو کې ټي ټي پي د عوامي نشنل ګوند پر غړیو ګڼې حملې کړي او د دغه ګوند ډیر غړي یې په ځانمرګو بریدونو کې وژلي خو داسې ښکاري چې دا ډله اوس د پخوا په شان پر ملکي وګړو او سیاستوالو بریدونه نه کوي او د بریدونه مخه یې پوځیانو ته اوښتې ده.
غلام کاسی شاوخوا ۷۰ کلن و او د کورنۍ غړي یې وايي چې له چا سره یې شخصي دښمني نه لرله.