تاند (یکشنبه، د سنبلې ۲۵مه) له بدخشان څخه د ترلاسه شویو راپورونو له مخې، څلور پېغلې د دغه ولایت په مایمي ولسوالۍ کې ډوبې شوي دي.
د بدخشان د امنیه قوماندانۍ ویندوی نن رسنیو ته وویل چې دا پېښه پرون (شنبه) د مایمي ولسوالۍ په تنګ شېوه سیمه کې شوې ده.
د ویاند په وینا، څلور نجونې هغه مهال په سین کې ولوېدې چې له یوه لړزانده پله تېرېدې او د پله توازن ګډوډ شو.
د سین اوبه خورا تېزې وې او هغوی یې له خپلو څپو سره یووړې.
تر اوسه پورې د هغوی مړي موندل شوي نه دي خو هلې ځلې روانې دي.