خبریال: داودجبارخیل (پنجشنبه، د سنبلې ۲۳ مه) د تورخم لارې له بندېدو سره سم د پاکستان په ځینو ښارونو کې د تازه مېوو او سبزیو بیې اسمان ته ختلي دي.
د تورخم د دروازې له تړلو سره که افغان سوداګر سخت زیانمن شول؛ ورسره یي د پاکستان د تازه مېوو او ترکاریو پر مارکېټونو هم اثر کړی او د تازه مېوو او سبزیو بیې ډیرې لوړې شوي دي.
د پيښور ښار یو شمیر اوسیدونکي چې د کورونو لپاره په تازه میوه پسې ربازارونو ته راوتلي، وايي چې نرخونه اسمان ته ختلي او ډیری کسان نه شي کولی چې د خپلې خوښې تازه مېوه واخلی.
د پيښور يو اوسيدونکی عباس وايي، په ښار کې د تازه مېوو او سبزیو قيمتونه لوړ شوي دي او خلک يې د اخيستلو توان نه لري.
هغه له چارواکو څخه غواړي چې د خلکو دا ډول ستونزه ژر تر ژره حل کړي.
په داسي کې چې خلک د نرخونو له لوړېدو څخه سر ټکوي نن نهمه ورځ ده چې د تورخم لار بنده ده. دا لار د تېرې اوونۍ د چهارشنبې په ورځ په تورخم کې د افغان او پاکستان ځواکونو ترمنځ له نښتې وروسته پاکستان وتړله.
د تازه مېوو تر څنګ د رومي بانجانو، پیازو، الوګانو، بادرنګ او نورو سبزیو بیې تر پخوا ډېر لوړ شوي دي.
په افغانستان کې د تازه مېوو او سبزیو د سوداګرو ټولنه وايي، په یاده موده کې زیات شمېر افغان سوداګرو ته درانه مالي زیانونه اوښتي دي.
د دې ټولنې د عامل پلاوي مشر حاجي امېد حیدري د چهارشنبې وویل، په دواړو خواو کې د ولاړو لاریو ډېره برخه تازه مېوه او سبزي دي چې ټول خراب شوي دي.
له بلې خوا پرون (چهارشنبې) د پښتونخوا په مرکز پېښور کې یو شمېر خلکو د دې لارې د دبندېدو په اعتراض کې لاریون وکړ. لاریون کونکي تورخم ته نږدې تر لواړګي پورې لاړل او له پاکستانه یې د لارې د خلاصېدو غوښتنه کوله.
په دې لاریون کې د پاکستان له اړخه لسګونو سوداګرو، د ګاډو چلونکو او کاروباریانو ګډون کړی وو.
پنجابی بی عزته د انګریز ځامن باید په دی پوه شی چی د انګلیس غلامی او له اسلام سره دشمنی داسی پایلی لری انشاالله چی دا چټل ملک به ورکیږی