تاند: (پنجشنبه، د وږي ۱۵ مه ) د روسیې د بهرنیو چارو وزارت ویاندې ماریا زاخارووا له سیمه ییزو هېوادونو غوښتي، څو په افغانستان کې د ترهګرۍ خطر پر وړاندې مبارزه کې ګډې هڅې وکړي.
نوموړې دا غوښتنه، په کابل کې د روسیې پر سفارت د ځانمرګي برید د لومړۍ کلیزې په مناسبت کړې ده.
په دغه برید کې دوه روسي دیپلوماتان وژل شوي وو.
د برید مسوولیت داعش ډلې پر غاړه اخیستی و.
د روسیې د بهرنیو چارو وزارت ویاندې یادې پېښې ته په اشارې دا هم ویلي، چې په افغانستان کې د مسایلو د حل و فصل لپاره سیمه ییزې هڅې په دغه هېواد کې د سولې او ثبات د تضمین او ترهګرۍ د مخنیوي سبب ګرځیدای شي.
روسۍ ویاندې په عین حال کې، د ترهګرۍ د خطرونو پر وړاندې په افغانستان کې د واکمن رژیم هڅې د بسنې وړ نه دي ګڼلي او ویلي، چې دا هڅې د ترهګرو د ختمولو لپاره کافي نه دي.
روسیې مخکې د یادې پېښې په غبرګون کې امریکا او انګلستان تورن کړي وو، چې په افغانستان او سیمه کې داعش ډله پياوړې کوي.
طالبانو بیا ټینګار کړی، چې د افغانستان له خاورې چا ته ګواښ نه دی پېښ او په دې اړه ادعاوې واقعیت نه لري.
دا جوته خبره ده چط انگلیس له ده إیپئ وروسته افغانستان اشغال کړ او خپلو موخو ته ورسید او د روس تزاری ارزوګانط خاورط شوې. روس اوس د شمالی ټلوالې تر شاه خپلو موخو ته د رسیدلو دپاره او د روسیې د دروازې( منځنس اسیا) د ساتلو د پاره ګریت ګیم ختم نه ګڼي او لا هڅې کوي. اوس افغانستان د انګلیس یوازینی سنګر دی چې د ایران، روس، او د چین او د هغه نوی ورو پاکستان ترې اداره شي.