تاند: (شنبه، د وږي ۱۱ مه ) د رېل پټلۍ ادارې لپاره د طالبانو د رژيم مشر بخت الرحمان شرافت ایران ته د سفر پر مهال ویلي، چې افغانستان به زر د رېل پټلۍ له لارې له چابهار بندر سره ونښول شي.
ایراني رسنیو ویلي، چې هغه دا خبره له سیستان او بلوچستان سرحدي سیمو څخه د لیدنې پر مهال کړې ده.
ایراني رسنیو او طالب چارواکي په دې تړاو نور جزییات نه دي ورکړي.
د طالبانو له بیا واکمنیدو سره، اورپټلۍ ادارې ته د دوی پاملرنه زیاته ګڼل کیږي.
د دغې ادارې طالب مشر بیا- بیا ګاونډیانو سره د ريل پټلۍ اړیکو د پراختیا او تامین په اړه خبرې کړي.
طالب چارواکي له سیمه ییزو هېوادونو سره د اقتصادي او ترانزیتي اړیکو پراختیا خپل یو اصلي هدف بولي.