تاند: (دوشنبه، د وږي ۶ مه ) د روغتيا نړيوال سازمان د افغانستان په ۶ ولایتونو کې نن د پولیو پر وړاندې د واکسین د سرته رسولو خبر ورکړی.
دغه سازمان ویلي، چې د پوليو یا د ماشومانو د ګوزڼ واکسین به نن د شمال په پنځو ولايتونو او په سوېل کې په يو ولايت کې پيل شي.
یاد شوي سازمان ویلي، چې خلک باید له واکسیناتورانو سره مرسته وکړي او خپل ماشومان واکسین کړي.
په ټولیز ډول ویل کیږي چې د روان کمپاین په ترسره شوي او ترسره کیدونکي پړاو کې به ۱۱ میلیونه کسان واکسین شي.
روان کال په افغانستان کې د پولیو پنځه مثبتې پېښې ثبت شوې دي، چې ټول په ختیځ ولایت ننګرهار کې دي.