تاند: (شنبه، د زمري ۲۸ مه ) د پښتون ژغورنې غورځنګ مشر منظور پښتین پرون په اسلام اباد کې د دغه غورځنګ په یوه لویه غونډه کې د پاکستان پوځ او نورو مقتدرو ادرسونو ته توندې کنایوي خبرې وکړې.
نوموړي د پښتنو د حقونو تلف کیدو ته په اشارې ګواښ وکړ، چې یا به پښتنو ته د ژوند حق او یا ازادي اخلي.
ښاغلي پښتین یو ځل بیا د پاکستان پوځ په پښتونخوا او بلوچستان کې د دغو سیمو د فعالانو په نادرکه کیدو او مرموزو وژنو کې په لاس لرلو تورن کړ او ویې ویل، چې د دغه هېواد پوځ د ډالري جګړو د سرته رسولو لپاره په دغو سیمو کې ظلمونه زیات کړي.
د پاکستان پوځ مخکې د ښاغلي پښتین تورونه رد کړي وو.
د یادې غونډې پر مهال، د پخوا په شان د پاکستان رسنیو د پوځ او حکومت په فشار د پښتون ژغورنې غورځنګ د مشرانو خبرې خپرې نه کړې، خو د ټولنیزو رسنیو له لارې یې په پراخه کچه انعکاس او هرکلی وشو.
GREAT MANZOOR PASHTEEN SAHIB. ZHWAND ZHWAND ZHWAND
زما ژوند یی ستا منظور پښتونه
منظور پښتون نه شي کولی د پنجابي راجا جرنیلانو د ګټو په مقابل کې و دریږي، هسې چغې به وهي خو په حقیقت کې پرون منظور د پوځ له لوړ رتبه جنرالانو سره ناست دی او په خوشګوار محیط کې ورسره مشورې کوي، اوسمهال یوازې بلوچ ازادي غوښتونکي غورځنګونه دي چې د پنجابي جرنیلانو ګټې چیلنجوي. منظور هسې شعارونه ورکوي.