تاند: ( پنجشنبه، د زمري ۱۲ مه ) د تورخم ګمرک لپاره د طالبانو د رژيم چارواکي وايي چې په دغه ګمرک کې یې د قیمتي ډبرو د قاچاق مخه نیولې ده.
د تورخم کمیسارۍ معاون مولوي نصرت الله اخند وویل، چې د دغې کمیسارۍ منسوبینو په تېرو څو اوونیو کې ۱۱ کیلو ګرامه قیمتي ډبرې نیولي چې، په یادو ډبرو کې بیروچ او کرومايت شامل دي.
نصرت وویل، چې د تورخم بندر له لارې به هیچا ته د غیر قانونې کړنو د تر سره کېدو اجازه ور نه کړي.
د سرچنې په خبره له دې هم وړاندې په یاد کمرک کې ۲۰ جلده جعلي پاسپورټونه نیول شوي وو.
دا په داسې حال کې ده، چې یو شمېر خلک د طالبانو له بیا واکمنیدو سره پاکستان او نورو ګاونډیو هېوادونو ته له افغانستان څخه د قیمتي معادنونو د توکیو، پوځي تجهیزاتو او وسلو، او ان تاریخي اثارو د قاچاق زیاتیدو خبر ورکوي.
د لوګر او میدان وردګو ولایتونو د کرومیتو کانونه خو هره ورځ په غیر قانوني ډول استخراج او د تور پنجاب په لور وړل کیږي .
یاربه افغانانو ته لږ عقل ورکړې