تاند: ( پنجشنبه، د زمري ۱۲ مه ) د طالبانو د مهاجرینو او راستنیدونکو چارو وزارت مرستیال عبدالرحمن رشید اعلان وکړ، چې په تېره یوه میاشت کې نیږدې ۹۰ زره افغان کډوال وېستي.
هغه دا هم ویلي، چې د دوی تر نېمایي پورې کسان په خپله خوښه هېواد ته ستانه شوي.
ستانه شوي یو شمېر کډوال بیا دغه ادعا ردوي او وایي، چې د طالبانو رژیم ایران سره د کډوالو د وېستو په موضوع کې همغږی دی.
طالب مقام نه دي ویلي، چې ایران د کډوالو موضوع سره څه ډول چلند باید وکړي.
مخکې طالبانو له ترکیې غوښتي وو، چې د افغان کډوالو د وېستو پر ځای پر مناسبو لارو غور وکړي.
د طالبانو له بیا واکمنیدو سره، له افغانستانه د څومیلیونه کسانو د کډوالۍ خبر ورکړل شوی، خو طالبان ادعا لري چې هیڅوک د دوی د ګواښ له وجې هېواد پرېښودو ته نه دی اړ وتی.