تاند: ( چار شنبه، د زمري ۱۱ مه ) د افغاني سرې میاشتې ادارې لپاره د طالبانو د رژيم مرستیال ملا نورالدین ترابي د یو ۶ کسیز پلاوي په مشرۍ د قطر پلازمینې دوحې ته د بشري مرستو د جلب په موخه په رسمي سفر تللی.
د يادې ټولنې وياند عرفان الله شرفزوی ویلي، چې نوموړی به د دې سفر پر مهال د یو شمېر هېوادونو له سفیرانو او د ملي ټولنو او خیریه بنسټونو له استازو سره وګوري.
د شرفزوی په وينا د یاد سفر په پلان شویو لیدنو کې به نوموړی له ګډونوالو سره د افغانانو بشري ستونزې او اړتیاوې شریکې کړي او د ګډو همکاریو د غوښتنې ترڅنګ به د افغاني سرې میاشتې له لارې د افغانستان له بېوزله وګړو سره د نغدي مرستو ترڅنګ د خوراکي او غیر خوراکي توکو د مرستو غوښتنې شریکې کړي.
دا په داسې حال کې ده، چې د ملګرو ملتونو مرستندویه ادارو له افغانستان سره د بودیجې د کميدو له امله، د بشري مرستو د کمیدو خبر ورکړی.
له دې سره، په افغانستان کې د بشري ناورین د شدت خبرونه هم ورکول کیږي، چې طالب چارواکي یې ځینې وخت تاییدوي او ځینې وخت یې له واقعیت څخه ډېر تبلیغات بولي.
دا مردار خو هلته تللی چې په یوه سترګه ړوند دی او دزړه د رحم په اساس ددوی په عقیده خیرات را ټول کړي خو په خپل هیواد کې دزړه رحم په ښځو نه لري او له تعلیمه یې بندې کړې ! ملا جاهل نه غیرت لري نه شرم !!