تاند: ( سې شنبه، د زمري ۳ مه ) د سعودي عربستان حکومت ویلي، چې د کعبې شریفې لپاره یې یو شمېر پښتو لوحې لیکلي او ځړولي دي.
د سعودي د حکومت په یوه بیان کې راغلي، چې دغه لوحې د حج کوونکو د لارښوونې لپاره دي.
سرچینې د دغو لوحو شمېر او انګېزه نه ده ښودلې.
سږ کال شاوخوا ۳۰ زره افغانان د حج فریضې د مراسمو لپاره سعودي عربستان ته تللي وو.
یو شمېر افغانانو د سعودي په دې کار خوښي ښودلې، خو ځینو نورو ویلي چې د افغانستان په بد اقتصادي وضعیت کې افغانان د ټولو اسلامي هېوادونو او په ځانګړي ډول سعودي عربستان پراخو بشري مرستو ته اړتیا لري.