تاند: ( یکشنبه، د زمري اوله) د ترکیې په استانبول ښار کې د طالبانو تر کنټرول لاندې افغان قونسلګرۍ نویو زېږېدلو افغان ماشومانو ته د پاسپورتونو وېش پیل کړ.
د طالبانو یوه ویاند حافظ ضیا احمد وویل، چې دا پاسپورټونه هغو ماشومانو ته وېشل کیږي، چې په دغه هېواد کې زېږیدلي وي.
هغه په دې اړه نور جزیات نه دي ورکړي.
طالبانو نه دي ویلي، چې دغه پاسپورټونه په کومو شرایطو وېشي.
د افغانستان ترڅنګ، له هېواده بهر افغانان هم د پاسپورټونو له نه وېشلو وخت په وخت شکایت کوي.