تاند: ( پنجشنبه، د سرطان ۲۲ مه) د کاناډا د کډوالو چاور وزارت اعلان وکړ، چې ۳۰۹ افغان پناه غوښتونکي يې خپل هېواد ته لېږدولي.
د کاناډا د کډوالو وزیر شان فریز وویل، دغه افغانان په یوه چارټر الوتنه کې لېږدول شوي.
د سرچینې د معلوماتو له مخې، لېږدول شوي افغانان په افغانستان کې د کاناډا د پوځ کارکوونکي او د بشري حقونو مدافعان وو.
ویل شوي، چې دوی له خپلو کورنیو سره د کاناډا ګالګري ښار ته لېږدول شوي دي.
د کاناډا د کډوالو وزیر زیاتوي، چې هېواد یې له کړې ژمنې سره سم نږدې ۳۵زره افغان کډوال کاناډا ته لېږدولي او د دې کال تر پایه به د دې کسانو شمېر ۴۰ زرو ته ورسوي.
دا په داسې حال کې ده، چې یو شمېر افغان پناه غوښتونکي، په ځانګړي ډول د بشري حقونو مدافعان د کاناډا د کډوال منلو بهیر ناعادلانه بولي او ټینګار کوي، چې د اقلیتونو د ملاتړ په نوم یې پښتانه فعالان له پامه غورځولي دي.