تاند: (پنجشنبه، د سرطان ۲۲ مه) د طالبانو ویاند ذبیح الله مجاهد هرات ته د سفر او د خواف-هرات اوسپنې پټلۍ د یوې برخې په پرانیسته کې له ګډون وروسته ویلي، چې پر دغه پټلۍ په رسمي توګه د توکو لېږد رالېږد پیل شوی.
د هغه په وینا، د خواف-هرات اوسپنې پټلۍ څلورمه برخه به د دغه ولایت صنعتي پارک پورې وغځول شي.
د افغانستان اوسپنې پټلۍ ادارې لپاره د طالبانو چارواکي وايي، هوډ لري چې د اوسپنې پټلۍ ازبکستان او چین هېوادونو سره هم ونښلوي.
د یادې پروژې چارې د جمهوري نظام په وروستیو کلونو کې چټکې شوې وې، خو چارواکو اوسني واکمن طالبان د پروژې په ننګولو او پرې د بریدونو په سمبالولو تورنول.