تاند: ( سې شنبه، د جوزا ۳۰ مه) د افغانستان پخواني ولسمشر حامد کرزي د هېواد د یو شمېر ولایتونو له ځوانانو سره د لیدنې پرمهال، له هېواده د ځوانانو او په ځانګړي ډول تحصیل کړو هغو پر وتو اندیښنه ښودلې ده.
د کرزي مطبوعاتي دفتر ویلي: په دې کتنه کې د ملي يووالي او ملي يووالي پر پياوړتيا د ټينګار تر څنګ د ځوانانو په ځانګړې توګه د زده کړې او تحصيل په برخه کې د شته ستونزو په باب خبرې وشوې او له هېواده د لوستو ځوانانو او علمي کادرونو وتل یوه لویه ضایع وګڼل شوه.
کرزي او ورسره لیدلو ځوانانو د نجونو پر مخ د زده کړو د دروازو د ژر پرانیستلو غوښتنه هم کړې او ویلي، چې ځوانان دې هېواد کې پاتې او په ودانولو کې یې ونډه واخلي.
دا په داسې حال کې ده، چې نن د مهاجرت نړیواله ورځ ده او افغانستان ورځ تربلې د زیاتو مهاجر لرونکو هېوادونو په کتار کې دریږي.
د طالبانو لخوا د واک انحصار، غیر طالبو افغانانو او په ځانګړي ډول ښځو سره د دوی ناوړه چلند او له حقونو یې محرومول د اقتصادي او بشري ناورین ترڅنګ له هېواده د میلیونونو افغانانو د وتو اصلي لاملونه ګڼل کیږي.
د کرزی مېلب خو به مارشالان او جنرالان وي او که نور څه! کرزی ته چوپه خوله بهتری ده!