تاند: ( سې شنبه، د جوزا ۳۰ مه) د طالبانو امنیتي سرچینو په پلازمېنه کابل کې د انسان تښتوونکو له منګولو څخه د یوه ترکي انجنیر د آزادولو خبر ورکړی دی.
د کابل د امینې قومندانۍ لپاره د طالبانو د رژیم ویاند خالد ځدران په خپله ټويټر پاڼه ليکلي ، چې دغه ترکي انجنير پرون د ښار اړوند د ۹مې امنیتي حوزې له مربوطاتو څخه د انسان تښتوونکو له لوري تښتول شوی وو.
د ځدراڼ په خبره یاد کس تر تښتول کېدو وروسته د ۱۲مې امنیتي حوزې په مربوطاتو کې د طالبانو د پولیسو او استخباراتو د ځواکونو په ګډو عملیاتو کې د انسان تښتوونکو له منګولو څخه وژغول شو.
سرچینې زیاته کړې، چې د دې پېښې په تړاو یو تورن کس هم د پولیسو له لوري نیول شوی دی.
په وروستیو کې د افغانستان له نورو سیمو هم د انسان تښتونې د پېښو د زیاتوالي خبرونه زیات شوي.
بشري او اقتصادي ناورین، پراخ فقر او بې کاري د دغو پېښو له اصلي لاملونو ګڼل کیږي.
دا چې ملیونونه دالر په یو احتطاف احلي بیکاری لوږه یو لامل ده لعنت د وي په دې لوږه بیکاري