تاند:( جمعه ، د جوزا ۱۹ مه ) په بدخشان کې د طالبانو د مرستیال والي له وژل کیدو وروسته، د هغه د فاتحې پر مراسمو په یوه جومات کې د چادونې مسولیت هم داعش وسله والې ډلې ومانه.
داعش نن جمعه په یوې اعلامیې کې ویلي چې دا چادونه دوی ترسره کړی ده.
د بدخشان لپاره د طالبانو د اطلاعاتو او فرهنګ رییس معز الدین احمدی د پنجشنبې په ورځ خبریالانو ته ویلي وو، چې په دې چادونه کې د بغلان پخوانی طالب امینه قومندان صفي الله صمیم وژل شوی دی.
د راپورنو پر بنسټ، په دغې چادونه کې ۱۸ کسان وژل شوي او ۳۸ نور ټپیان وو.
د داعش وسله والې ډلې خراسان څانګې د بدخشان په مرکز فیض اباد کې د جون میاشتي د شپږمې چادونې مسولیت هم منلی و.
په هغې چادونه کې د بدخشان لپاره د طالبانو سرپرست والي نثار احمد احمدي وژل شوی وه.
دا په داسې حال کې ده، چې نن یو شمېر پاکستاني رسنیو د داعش د خراسان څانګې د مشر د وژل کیدو خبر ورکړی او ویلي، چې نوموړی د کونړ په سرکاڼو ولسوالۍ کې طالبانو وژلی.
طالبانو بیا دغه خبر رد کړی دی.