تاند:( یکشنبه ، د جوزا ۱۴ مه )  د سټنډرډ ملي ادارې لپاره د طالبانو چارواکي وایي، چې ازبیکستان هيواد ته یې ۶ واګونه بې کيفيته پټرول    بېرته مسترد کړي دي.

د يادې ادارې وياند عاشق الله وزيري ويلي، چې په تېرو ۲۰ کلونو کې دا لومړی ځل دی، چې دومره اندازه بې کيفيته تېل بېرته ازبیکستان ته مستردېږي.

وزيري زياته کړه، چې په دې وروستيو کې سټنډرډ ملي ادارې په خورا جديت د بې کيفیته تېلو د واردولو د مخنيوي لپاره عملي ګامونه پورته کړي.

نوموړي له ټولو سوداګرو څخه غوښتنه وکړه، چې هيواد ته با کيفيته توکي وارد کړي، کنه نو له ورته قانوني چلند سره به مخ شي.

سرچینه زیاتوي، يادې ادارې له دې وړاندې هم لسګونه ټانکره بې کيفيته نفتي توکي او هايدروليک بېرته اړوندو هيوادونو ته مسترد کړي دي.