تاند:( جمعه ، د جوزا ۱۲ مه ) د اس ځغلونې شپږم پړاو ملي سیالۍ نن د پلازمینې کابل په حضوري چمن میدان کې پيل شوې، چې له لسو ولایتونو څخه تر شلو پورې غوره اسونو او اس سپرو پکې ګډون کړی.
د اس ځغلونې ملي فدراسیون مشر دادمحمد پاینده اختري د دې سیالیو موخه د غوره اسونو او اس سپرو په ګوته کول وبلل او په خبره یې چې تر نږدې راتلونکې به د اس ځغلونې ملي ټاکنیزې سیالۍ هم ترسره شي.
د دې سیالیو درې مقام ګټونکي اسونه او اس سپاره به د ملي لوبدلې غړیتوب هم ترلاسه کړي.
ټاکل شوې دغه سیالۍ به د یوې ورځې لپاره دوام وکړي.
د دغو سیالیو نندارې ته سلګونه تنه ورغلي وو او د سیالیو هرکلی یې وکړ.