تاند:( جمعه ، د جوزا ۱۲ مه ) د کندهار په سپين بولدک کې طالبانو پاکستان سره د یوې غیر رسمي لارې د پرانیستو هوکړه کړې، چې په دې کار له مختلفو غبرګونونو سره مخ شوي.
د سپين بولدک د سوداګرۍ خونې او پانګونې رييس حاجي محمد صديق وایي: له پاکستان سره پرسرحد مو دروازه فعاله او ودروله؛ پرهغه بلې ډېر رش وي، څلور یا پېنځه ساعته به زمونږ ترانزيت موټرو تېرول. د دغې ستونزې د حل لپاره د پاکستان او افغانستان سوداګر سره کېناستل نوې دروازه يې مونږ ته راخلاصه کړه.
ځینو خلکو دا کار ستایلی او د سوداګرۍ د اسانتیا هڅه یې ګڼلې، خو یو شمېر خلک باور لري چې طالبانو دا کار د ناقانونه کاروبار، پاکستان ته د افغانستان د امکاناتو او شتمنیو د قاچاق او نورو ناقانونه کړنو لاره ګڼلې ده.
د طالبانو ویاندویانو او چارواکو په دې اړه جزیات نه دي ورکړي.
طالبانو مخکې پاکستان ته د افغانستان د وسلو، تجهیزاتو، کاني زېرمو او نورو شتمنیو د قاچاق تورونه رد کړي، خو منتقدان یې باور لري، چې دوی په دې برخه کې له رسوا کیدو وروسته د نوې لارې په جوړولو لاس پورې کړی.
دا ډول کړنی ولس ته اندیښنی پیدا کوی نو لازمه ده چې ولس ته عامه پوهاوی ورکړل شی ځکه دا سی نشی چې د ولس او دولت ترمینځ واټن پیدا شی
د دی افغانستان لوټلو ته لاره هواره ول دی دوې د افغانستان تباهی ته ملا تړلی ده ځکه او افغانستان د پاکستان په لاس کښی ده او ځناور هیبت ته د پاکستان ګټی تر افغانستانه مهمی دی مګر یو مملکت چی داسی یو ویده ملت ولری نو د هر کار امکانات موجود وی دا وخت به راشی چی وزیر او ریس به مو پاکستانی وې