تاند: ( سې شنبه، د جوزا ۹ مه) د طالبانو د بهرنیو چارو وزیر ملا اميرخان متقي نن په بهرنیو چارو وزارت کي دهغه (۱۸) تنه هیوادوالو فاتحه وکړه، چې د روان کال د فبرورۍپه ۱۷مه د بلغاریا پلازمینه صوفیا کې اروپا ته پر لار په یوه کانټینر کې د تنفسي کمښت له امله مړه شوي وو.
ملا متقي په دې مراسمو کې د مړو شويو کورنیو سره غمشریکي وکړه او دالله عزوجل څخه یې هغوی ته د صبر، زغم،حوصلې او نعم البدل دعاء وکړه، دغه راز یې ډاډ ورکړ چې دوی به یې ملاتړی او همکار وي.
طالب وزير د دغو پناه غوښتونکو د کورنیو له غړو سره د هغوی د جسدونو د لېږدولو د پروسې ستونزې شریکې او وويل، چې ستونزې د نړیوالو د اقتصادي بندیزونو له کبله رامنځته شوې وې.
د طالبانو دغه وزیر وویل:« موږ د جسدونو نقل لپاره ځانګړې الوتکه چمتو کړه اجازه ورنکړل شوه، دوه ځله هغه روپۍ چې د جسدونو د راوړلو مصارف کېدل مستردې شوې.»
د طالبانو دغه وزیر همدا شان ادعا وکړه، چې له بيا واکمنيدو سره ېې هيڅ افغان ته خطر نه دی پېښ شوی او په دې اړه راپورونه بې بنسټه دي.
د هغه څرګندونې د خلکو منفي غبرګونونو سره مخ شوي.
منتقدانو ويلي، چې طالبان په بې ساري ډول دروغ وايي، خپل استبداد او د خلکو پر وړاندې بې مسووليتي او ناکامي پټوي، خو طالبانو دا تبصرې رد
کړي دي.
چی دا به چا ورته ویلی وی چی او خیټوره ملا لږ سیاست زده کړه د وژل شویو کسانو روح ته دعا وکړه. کنه نو سړی دا څو ورځی غلی وه .