تاند: ( سې شنبه، د جوزا دويمه) د ایران د ولسمشر يوه مرستيال علي سلاجقه، چې د دغه هېواد د چاپېريال ساتنې ادارې مشر هم دی، وايي طالبانو سره ېې د هلمند سیند د اوبو په اړه غونډه کړې ده.
هغه زياته کړه، چې د ایران جمهوري ریاست خپله په دې موضوع کې ښکېل شوی او طالبانو سره یوه غونډه ترسره شوې هم ده.
ايراني چارواکي هیله ښودلې، چې د اوبو په اړه جنجال به په ديپلوماسۍ او خبرو حل شي.
پرون د طالبانو د بهرنیو چارو وزیر مولوي امیر خان متقي له ایران څخه وغوښتل، چې د اوبو په اړه دې د ديپلوماسۍ لاره غوره او دا موضوع دې نه سياسي او کوي.
طالبانو له ایران سره د ترسره کړې غونډې په اړه څه نه دي ويلي.
څو ورځې مخکې د ایران د لوی درستیز مرستیال د يوه پلاوي په مشرۍ کابل ته راغلی و، خو طالبانو وویل چې دغه پلاوي سره پر سرحدي مسايلو غ
ږیدلي دي.