تاند:( چار شنبه ، د غویي ۲۷ ) د پاکستان د پخواني صدراعظم عمران خان کور یو ځل بیا د دغه هېواد د پولیسو لخوا محاصره شوی.
عمران خان په خپله ټویټر پاڼه کې لیکلي، چې دا یې ښایي د بیا نیول کیدو څخه مخکې وروستنی ټویټ وي.
هغه خبر ورکړی، چې پولیس يې د کور شاوخوا ته رسیدلي.
عمران خان او د پاکستان حکومت د نوموړي د بیا نیول کیدو د قضیې په اړه څه نه دي ویلي.
خان ظاهراً د مالي فسادونو په قضیه کې تورن دی او د نیولو هڅه یې روانه ده، خو هغه دا هڅې د ځان خلاف سیاسي دسیسې بولي او خپل مخالف سیاستوال او د پوځ مشر په دې دسیسه کې ښکېل ګڼي.
د پاکستان پوځ او حکومت بیا د هغه تورونه رد کړي.
د خان د تېر ځل له نیول کیدو وروسته پاکستان کې د نوموړي پلویانو قهرجن لاریونونه وکړل، چې مرګ ژوبله او مالي زیانونه یې واړول.