تاند: ( پنجشنبه، د غويي ۱۴ ) په ننګرهار کې ټيک ټاک لپاره ويډيو جوړونکي تمثیل پر مهال خپل ملګری وژلی دی.
د طالبانو ولایتي ادارې ويلي، د ننګرهار ولايت د مومندرې ولسوالۍ په ډکې سيمه کې د محمود په نوم يو تن هغه مهال خپل ملګري له لوري د تومانچې په ډز ووژل شو، چې ټيک ټاک لپاره يې ويډيو جوړوله.
ویل شوي، چې طالب واکمنان د پېښې ځای ته رسيدلي، جسد يې د کورنۍ غړو ته سپارلی او د پېښې عامل يې نيولی دی.
طالبان وايي قاتل په خپل جرم اعتراف کړی او ویلي، چې تومانچه يې د وژل شوي ملګري وه او ده ته يې د ويډيو جوړولو په موخه په تمثيلي بڼه د ډز اجازه کړې وه؛ خو هغه ترې سهواً وو
ژل شو.
ولې يو ځوان ته د خپل پلار نه، ولې کشرانو ته د مشرانو نه، او ولې افغانانو ته د نړيوالو نه وسله په لاس ورځي ؟!!
آن زموږ د ځوان نسل ذهنيت، سوچ، انداز او د دوی لخوا يوه خاکه جوړول هم وسلواله ده، او دا پوځي کيدنه د پر لپسې اوختونونو، کودتاوو ، نيابتي جګړو او افغان وژنې لامل شوې ده.
بايد چې نور د وسلې ساتنې ، وسلې ګرځونې او وسلې پالنې کلتور ته د پای ټکی کيږدو، او د دې په ځای خپلو ماشومانو ته قلم او کتاب په ميراث پريږدو، تر څو دوی او راتلونکي نسلونه په سوله او سوکالۍ ، پرمختګ او آبادۍ، وطن دوستۍ او نيکبختۍ کې ژوند وکړي..