تاند:( یکشنبه ، د غویي ۱۰ ) د افغانستان د سوداګرۍ او پانګونې خونې ویلي، چې ترکمنستان په لومړي ځل د کندهار ولایت له لارې پاکستان ته د خپلو ګازو صادرات پيل کړل.
د کندهار لپاره د طالبانو د رژیم ولایتي ادارې د یادې خونې د رئيس محمد یونس مهمند له خولې لیکلي، چې په لومړي پړاو کې به د ترکمنستان ۵۰ موټره ګاز پاکستان ته واستول شي.
سرچینې د یادو موټروعکسونه هم خپاره کړي، خو نور جزیات یې په اړه نه دي ورکړي.
د طالبانو پر رژیم یوه نیوکه دا ده، چې په اقتصادي برخه کې یې افغانستان د پاکستان لپاره ارزانه او اسانه ټرانزیتي مرکز ګرځولی.
مخکې دغه هېواد په اسانه او د شرایطو له پلي كولو پرته نه شو کولای د افغانستان له لارې اسانه ترانزیتي استفاده وکړي.