تاند:( یکشنبه ، د غویي ۱۰ ) د ميدان وردګو د سيدآباد ولسوالۍ په دښت ټوپ سيمه کې د يو ناچاودلي توکي دچاودنې له امله پنځه ماشومان وژل شوي او دوه نور ټپيان دي.
د دې ولايت د عامې روغتيا لپاره د طالبانو د رژیم رئيس ډاکتر محمد زرک ځيرک وايي، چې دا چاودنه وړمه ورځ له غرمې وروسته په شاوخوا درېو بجو شوې ده.
هغه زياته کړه ، چې د پېښې د قرباني شويو ماشومانو عمرونه له ۱۲ کلونو کم وو.
نوموړي وويل، چې د پېښې ټپيان د کابل ايمرجنسي روغتون ته لېږدول شوي دي.
په وروستیو کې د افغان ماشومانو د مرګ ژوبلې ورته خبرونه زیات شوي.
څارونکي باور لري، چې د فقر ورځ تربلې زیاتوالی د زړو اوسپنو ټولولو ته د ډېرو ماشومانو د مجبوریدو او ورته پېښو سبب شوی.