تاند: ( سې شنبه، د غويي ۶ ) واشنګټن پوسټ ورځپاڼې خبر ورکړی، چې د امریکا متحده ایالاتو حکومت طالبان په افغانستان کې د داعش ډلې خلاف مبارزه کې خپل ښه متحد بولي.
سرچينه زياتوي، چې دا خبره د متحده ايالاتو د دفاع وزارت ځينو مقاماتو ورته تاييد کړې ده.
ویل شوي، چې د طالبانو په اړه د داسې نظر له موجودیت سره به امریکا له يادې ډلې سره د داعش خلاف مبارزه کې مرسته وکړي.
د طالبانو رژيم د دغه راپور په اړه څه نه دي ويلي.
امريکايي چارواکو مخکې هم په مختلفو بڼو د داعش ډلې پرضد د طالبانو د اقداماتو ستاینه کړې وه.
دواړه یې د امریکا لاس پوسی دی د امریکا هدف صرف د اسلام نوم بدول دی او اسلام سره دښمنی اوس دواړه ډلی د اسلام ضد ډلی دی په همدی بهانه امریکا خپل هدف مخ ته وړی او بس
کابل نیوز له سایټه:
د امریکا د ۲۰۲۴ کال ولسمشریزو ټاکنو کې د دیموکراتانو یو کاندید «رابرټ کینیډي» ویلي چې «امریکا داعش ایجاد کړ، ۲ میلیونه کسان یې اړ کړل څو اروپا ته کډوال شي او د یوه نسل لپاره یې دیموکراسي بې ثباته کړه.»
«رابرټ کینیډي» زیاته کړې چې د امریکا ستراتیژي دا ده چې د نظامي ځواک له لارې خپل قدرت وښیي. ده ویلي: «موږ ۸ ټریلیونه ډالر مصرفول چې پلونه، روغتونونه او سړکونه تخریب شي او چین بیا ۸ ټریلونه مصرفول چې پلونه، روغتونونه او سړکونه جوړ کړي چې له امله یې چین اوس د امریکا پر ځای د گڼ شمیر هیوادونو تجارتي شریک شوی، برازیل هم د ډالر پر ځای د یووان کارول پیل کړي او سعودي عربستان هم د امریکا پر وړاندې خپل دریځ ته تغییر ورکړی.»
رابرت کینیډي د امریکا د وژل شوي ولسمشر «جان اف کینیډي» وراره دی.