تاند:( دوشنبه ، د غویي ۵ ) د ننګرهار سیمه ییز روغتون مسوولین وایي، چې د اختر ورځو کې دغه روغتون ته ۱۲۲ تنه ټپیان راوړل شوي چې له جملې یې یو تن خپل ژوند له لاسه ورکړی.
د دوی په وینا، یاد روغتون ته د اختر په اوله ورځ ۴۲ دوهمه ورځ ۴۳ او درېیمه ورځ ۳۷ تنه د ترافیکي پيښو ټپيان د درملنې په موخه راوړل شوي چې ځینې یې تر ښې درملنې وروسته کورونو ته رخصت شوي او ځیني لا هم بستر دی.
دغه راز په یادو ورځو کې ۵۰ تنه د غذایي تسمم (Food Poisoning) ناروغان هم د درملنې په موخه یاد روغتون ته راوړل شوي دي.
د اختر ورځو کې له نورو سیمو هم د ګڼو ترافیکي پېښو او ځاني زیانونو خبر ورکړل شوی.
ترافیکي چارواکي خلک تورنوي، چې له ترافیکي اصولو په پراخه کچه سرغړونې کوي او د ځاني زیانونو ترڅنګ د اجتماعي نظم د خرابولو سبب کیږي.