تاند:( شنبه ، د غویي ۳ ) واشنګټن پوسټ ورځپاڼې په یوه راپور کې ویلي، چې طالبانو یې په افغانستان کې پر فعالیت بندیز لګولی.
د دغه راپور له مخې، له طالب چارواکو سره له څو میاشتو سلا مشورو وروسته، د دغې ورځپاڼې استازي په کابل کې د فعالیت د اجازې په ترلاسه کولو کې پاتې راغلل.
ورځپاڼې د دغې پرېکړې په اعتراض کې ویلي، موږ د دې اقدام لپاره هېڅ توجیه نه وینو، خو طالب چارواکو اعلان کړی چې دا اقدام حتمي دی.
سوزانا جورج د واشنګټن پوسټ د افغانستان او پاکستان د بیورو مشرې په توګه څه دپاسه درې کاله دنده ترسره کړې.
واشنګټن پوسټ د لومړي ځل لپاره په ۲۰۰۱ کال کې په کابل کې خپل دفتر پرانیست او د دې ورځپاڼې خبریالانو په افغانستان کې د وروستیو دوو کلونو له بدلونونو وروسته هم کار ته دوام ورکړ.
طالب چارواکو په دې اړه څه نه دي ویلي.