تاند: ( دو شنبه، د حمل ۲۸ مه) د افغان جاپان روغتون مسئولين وايي ،چې په کابل کې په وروستو اوونيو کې پر کرونا ويروس د اخته کسانو شمېر زياتوالي موندلی دی.
د دغه روغتون د کووېډ ۱۹ څانګې رئيس وايي ،چې په دوو وروستيو اوونيو کې د ۲۱۴ تنو له ډلې چې معاينه شوي د څه باندې ۷۰ تنو د کرونا ويروس پايله مثبته راوتلې ده.
يو شمېر ډاکټران د دې ناروغۍ د زياتېدو لامل د هوا ګرمېدل، په يوه ځای کې د خلکو راټولېدل او د کرونا د مخنيوي لپاره د کابل د اوسېدونکو نه پاملرنه بولي.
د افغان جاپان روغتون د شمېرو له مخې، پر کرونا ويروس د اخته کسانو شمېر د کب مياشتې په پرتله له څلوېښت تر پنځه څلوېښت سلنې زيات شوی دی.