تاند:( دوشنبه ، د حمل ۲۸ ) د طالبانو چارواکو ویلي، چې نن یې د ملي پخلاینې د پخوانۍ شورا نیږدې ۶ سوو کارکوونکو ته د هغوی پاتې شوي معاشونه ورکړي.
د اداري اصلاحاتو او ملکي خدمتونو ادارې لپاره د طالبانو واکمن مولوي عبدالحنان عارف الله ویلي، چې دوی د ټولو لغوه شویو ادارو د کارکوونکو اړوند نېک نظر لري.
د هغه په وینا هڅه روانه ده، چې د لغوه شویو ادارو له متخصصو او با تجربه کارکوونو څخه د هېواد د پرمختګ لپاره کار واخیستل شي.
د دې لغوه شوې شورا د وخت مشاور مولوي شهزاده شاهد ویلي، چې د هېواد د وګړو په حیث د طالبانو اطاعت کوي او د اړتیا په وخت کې مرستې ته هم تیار دي.
طالبانو نه دي ویلي، چې دغو پخوانیو کارکوونکو ته یې د څومره میاشتو معاشونه ورکړي.
د دوی له بیا واک ته رسیدو سره، د نورو یو شمېر ادارو ترڅنګ د ډاکټر عبدالله عبدالله په مشرۍ یاده شورا هم لغوه شوې وه.
په خپرو شویو عکسونو کې خپله عبدالله عبدالله نه دی لیدل شوی.
افغانستان د عبدالله او د ده د لنډغرانو له للاسه تباه او په بده ورځ اخته شو
طالب هم لکه ځان غوندی نر ښځې خوښه ویې عبدالله نرښځې ده نو ځکه د هغه معاشونه ورکوی