تاند:( دوشنبه ، د حمل ۲۸ ) په کاناډا کې د «سا» په نوم د تازه ورغلو افغان نجونو یوې هنري ډلې په فعالیت پيل وکړ.
دغې ډلې خپله لومړنۍ سندره د پسرلي د هرکلي لپاره ویلې، خو په پام کې لري چې نورې سندرې د نجونو او ماشومانو د زده کړو د هڅونې په اړه ووایي.
ویل شوي، چې یادې نجونې له تېر یوه کال راهیسې کاناډا هېواد ته کډوالې شوي دي.
د طالبانو له بیا واکمنیدو سره د افغانستان یوه لویه برخه مطرحې څېرې، چې د بېلابېلو قشرونو اړوند دي بهرنیو هېوادونو ته کډوال شوي او له هغه ځایه یې د فعالیتونو د انسجام خبرونه ورکول کیږي.
دا په داسې حال کې ده، چې په هېواد کې دننه طالبانو د نجونو ښوونځي، د ښځو کار او ګڼ نور فعالیتون منع کړي او له دې امله یې رژیم نړیوالې انزوا سره مخامخ دی.