تاند:( چار شنبه، د حمل ۱۶ ) د هلمند په ګرشک ولسوالۍ کي د پنځه میلیونو افغانیو په لګښت یو پُل جوړ او ګټې اخيستنې ته وسپارل شو.
ځایي طالب چارواکي وایي، دغه پُل د کندهار ـ هرات پر لویه لاره د ګرشک ولسوالۍ پرعمومي بغرا د پنځه میلیونو افغانیو په لګښت د ګرشک ښاروالۍ له لوري جوړ شوی دی.
د ګرشک طالب ښاروال ملا عبدالمجید حاجي تائب وویل چېیاد پل د ۴۲ مترو په اوږدوالي او د ۴ مترو په پلنوالي د دوو کلونو په موده کې جوړ شوی.
د طالبانو له بیا واکمنیدو سره، په سویلي ولایتونو کې چې د دوی د شل کلنې جګړې پر مهال خلک له ډېرو لومړنیو حقونو بې برخې شوي وو، د ورته پروژو خبرونه زیات شوي، چې ستاینه یې کیږي.