تاند:( شنبه، د حمل ۱۲ ) د خوست ولايت د صبریو ولسوالۍ په ګلدار کلي کې د ۱۸ لوبډلو ترمنځ د واليبال د رمضان جام تمریناتي سیالۍ پیل شوې.
د يادو سیالیو په پیل کې دوې سیالۍ ترسره شوې، په لومړۍ سيالۍ کې ګلدار کلي لوبډلې د ابوخېلو کلي لوبډله او په دویمه سیالۍ کې د ګلدار کلي لوبډلې د قاسم کلي لوبډله له ماتې سره مخ کړه.
د ورزش سیمه ییز مسوولین وایي له دې وړاندې په تڼیو، ګربزو، لکڼو ولسواليو او مرکز کې د رمضان جام د فوټبال ، والیبال ، کرکټ سیالۍ پیل شوې او دا لړۍ لاهم روانه ده.